وقال باسم يوسف في مقطع فيديو نشره عبر حسابه الرسمي بموقع “فيسبوك”، “مش فاهم اللي بيعمله عمرو دياب، راجل ستيناتي عمال يرقص وبيتنتطط وبيروح الجيم.. عيش سنك يا أخي”.
وأضاف: “خد فولترين بكميات، وألبس بيجاما كاستور أو جلابية، أقعد معانا على القهوة معانا اتفرج على ماتش الأهلي وفاركو”.
واستكمل باسم يوسف سخريته قائلا: “إيه ده؟.. كنا بنكبر وبنسمعك وبنتتط، بطلنا تنطيط وأنت مكمل تنتيط يا عمرو مش ممكن كدا عيش سنك”.
واختتم قائلا: “أرجوك.. اتبط عشان اتبطينا من زمان، ومش مبسوطين إن حد تاني يفضل قاعد يتنطط وإحنا مبطوطين كده.. أرجوك يا عمرو كفاية بقى”.
وأحيا النجم الكبير عمرو دياب حفلا استثنائيا ضمن فعاليات “يلا ساحل” على مسرح أرينا العلمين، يوم الجمعة، وسط حضور بالآلاف، في حفل شهد أضخم تجمع جماهيري في حفلات صيف الساحل هذا العام وأكبر حضور تشهده مدينة العلمين.
واحتشد جمهور عمرو دياب قبل انطلاق الحفل بساعات، في مشهد يعكس الشعبية الاستثنائية التي يتمتع بها “الهضبة” قبل أن يصعد إلى المسرح ويفتتح حفله بأغنية “يا أنا يا لا”، وسط هتافات وتفاعل جماهيري كبير.
المصدر: RT + “مصراوي”
